ارتداء الكمامات ضرورة أم لا.. إليك ما تحتاج إلى معرفته من الخبراء

كنتاكي او البروست

المقادير

١-فرخه كامله مقطعه الي ٨قطع او  بانيه او وراك مخليه مقطعه قطع وسط او دبابيس زي ماتحبوا

٢- البهارات وهي ملعقه صغيره من كل من
فلفل اسود مطحون، زنجبيل، بابريكا، ريحان مجفف، زعتر، كركم، ٢معلقه ملح، روزماري مطحون، شطه حسب الرغبه لو عاوزينها سبايسي 

٣- نص كيلو دقيق وهنستخدم منه ع اد الاحتياج

٤- نص كوب نشا لكيلو الفراخ

٥- ٢ كوب لبن لكل كيلو فراخ

٦- مياه بارده 

الطريقه:-

١- لو هتعملي الفراخ كامله بعضمها بعد تقطيعها نشرحها تشريح خفيف ولو هتشتغليها بانيه او وراك مقطعه قطع نستخدمها زي ماهي 

٢- نسقطها في اللبن ونسيبها في التلاجه ع الاقل ساعه كامله وكل ماتقعد اكتر تطوي اكتر وتكون افضل

٣- نخلط الدقيق والنشا والبهارات السابقه جميعا خلط جيد ع الناشف

٤- ناخد قطعه من الفراخ من اللبن ونغمسها في الدقيق بالبهارات مع التلقيب الجيد حتي تتغطي تماما لمده دقيقه كامله

٥- نخرج القطعه من الخلطه وننزلها في المياه البارده بالظبط لمده ٤ ثواني نعد كده ٤ ثواني بالظبط ونرجعها تاني للخلطه ونغمسها جيدا لمده دقيقه كامله

٦- نكون مجهزين طاسه بها زيت ساخن  غزير عشان يغطي القطع من فوق ومن تحت وننزل بالقطعه في الطاسه مباشره وبعدين نبدأ نهدي النار  للمتوسط عشان تستوي ع مهلها

٧- نكرر نفس الخطوات مع جميع القطع ونخرجها من الطاسه عندما تصبح ذهبيه اللون وبالهنا والشفا

٨- طبعا تقديمها مع سلطه او كاتشب او كول سلو او زي ماتحبوا جنب البطاطس المحمره