الموضوع ده حاولت أجمع فيه حصيلة سنوات من مُتابعتي للأسئلة والتعليقات وتبادل الخبرات في Ask in Egypt والأسئلة بشكل عام تكون مرجع أتمنى به الإفادة لكم في الأجهزة الأساسية في المنزل؛
- التكييفات بالترتيب في الجودة والترشيحات:
١- جري
٢- كاريير
ويليهم إل چي وشارب وباقي الماركات لتدني خدمة ما بعد البيع في شارب وزيادة المُنتج المحلي بعد التقفيل المصري والإنتشار الشديد، جري صيني تقفيل مصري ولكن يتميز بخدمة ما بعد البيع الجيدة، كاريير قوة تبريدة لا زالت الأفضل والأقوى وما زال محافظ على جزء كبير من مبيعات السوق ولكن تقل خدمة ما بعد البيع في جودتها بسبب الإنتشار وإسنادها لشركات من الباطن مما يلغي مقياس خدمة ما بعد البيع فنجد جزء راضي تماماً وجزء ناقم تماماً وذلك لتغير المُعطيات في عمليات الصيانة ومتابعة الشكاوى ونفس الكلام ينطبق على شارب، بنوا إسمهم على جودة الموديلات اليابانية بالكامل وجودة الصيانة، وحالياً مستواهم في تدني عن زمان للأسف.
- شاشات التليفزيون:
يتصدر المبيعات والترشيحات ماركتي LG و Samsung، وخدمة ما بعد البيع في الشركتين في مستوى واحد وهو مُستوى سيء، ولكن تنقسم الترشيحات كلاً حسب رؤيته، اللي بيرشح إل چي بيفضل الصورة الواقعية واللي بيرشح سامسونج بيفضل سطوع ألوانها وإضائتها، ولكن مع مبيعات سامسونج الأعلى ما زالت LG تتصدر الترشيحات..
يليهم باقي الماركات الصينية كچاك وغيرها ولكنها ليست بنفس الجودة، ومع ذلك رأيي الشخصي في النقطة دي تحديداً هو إن الشاشات حظوظ للأسف، في ناس بتشتري أفضل وأغلى موديل ويحصله مشكلة ويفضل في سجال مع الوكيل، وفيه ناس بتشتري الماركات الصينية أو حتى الكورية والشاشة تفضل ممتازة لسنوات، مش معنى كده إن كل الماركات بنفس الجودة وخدمة ما بعد البيع واحدة، لا معناه إن لا يوجد لدينا جهات لمراقبة الجودة ورقابة الواردات والتصنيع لها معيار ثابت أو غير فاسد، فتجد شحنات ممتازة وشحنات معيبة ويختلطوا ببعض فلا تجد مقياس للسوق وما سبق ينطبق على كل الأجهزة..
- المايكرويڤ:
بيتصدر الترشحيات دائماً LG سواءاً بشواية أو بدون لكن متشتريش بشواية لو مش هتستخدمها، يليه سامسونج ثم كينوود وشارب، ويليهم في السعر والترشيح چاك وزانوسي وفريش وبلاك آند ديكر، مفيش شكاوى بتيجي كثير بخصوص أعطاله لسهولة فكرة الميكرويڤ ومكوناته وطريقة عمله، ولكن طبعاً الماركات بتفرق بعض الشيء في الجودة والأوبشنز والعزل الكلي وخدمة ما بعد البيع حال العُطل والصيانة.
- غسالات الملابس:
إل چي بتتصدر كالعادة.. يليها سامسونج ثم اريستون، مع إني لما قررت أشتري إشتريت إل چي بالمجفف تصنيع كوري ولكن النصيحة بتيجي إن الأفضل تشتري المجفف منفصل لو معتمد عليه وعندك له مكان، + إن أغلب ترشيحات إل چي نابعة من منتجات إل چي قبل ما تبقى تقفيل مصري، أيام ما كانت كوري وتيلاندي وإندونيسي بس بعد التقفيل المصري لاحظنا شكاوى مُتكررة.. + في حالة بعض الأعطال بيكون في نقص في توافر قطع الغيار لدى الوكيل أو يقولك خط الإنتاج توقف! بالتالي لو لقيت إل چي مستوردة هتكون الأفضل، وهنيجي هنا لتميز اريستون إنها ما زالت مُستوردة ولكن خدمة ما بعد البيع ليست جيدة تماماً أو ليس لها مقياس..
يلي ما سبق زانوسي ووايت بوينت وفريش.
- الثلاجات:
إل چي مُتصدرة ثم شارب ثم سامسونج ولكن لا تسأل عن خدمة ما بيع في سامسونج بخصوص الثلاجات خاصة، وفي العربي (شارب) الخدمة ملهاش مقياس، وفي إل چي التصدر ده قائم بسبب الموديلات الكورية والمستوردة ولو حالياً فيه تقفيل مصري يبقى لأ، وأقلهم التقفيل الصيني في الجودة والعمر الإفتراضي وخدمة ما بعد البيع أفضل من العربي ولكن برضوا ملهاش مقياس للأسف.
- غسالات الأطباق:
إل چي بتتصدر الترشيحات برضوا وبينافسها اريستون، بس عيب اريستون القاتل خدمة ما بعد البيع.. تلاقي الترشيح بيقولك اريستون ولكن لو باظت متسألش عن خدمة ما بعد بيع للأسف، ولكن إل چي فيه رضى عنها وعن خدمة ما بعد البيع اللي بتكون يا جيدة جداً يا في مُنتهى السوء وهنا بنرجع لنفس منطق إسناد الصيانة لشركات من الباطن، يلي ما سبق زانوسي وبيكو والترشيحات إلى الآن بتشيد بجودة خدمة ما بعد البيع في زانوسي وتوافر قطع الغيار.
- البوتجازات:
بينقسم الترشيح هنا حسب الميزانية والتصنيع ومُستورد بالكامل ولا تقفيل محلي؟
في التقفيل المحلي زانوسي وفريش مُتصدرين، في زانوسي موديل الآمان الكامل ذا الحوامل الزهر، وفي فريش الفريش البروفيشنال.. يليهم كريازي القديم.
في المستورد جليم جاز وزانوسي المُستورد مُتصدرين ورويال وألبا ثم لاچرمنيا، وقبل ما تشتري المستورد بالكامل إسأل عن توافر قطع الغيار ولكن في الغالب خاصة الإيطالي فتقريباً مش هتحتاج صيانة لجودة التصنيع والتقفيل.
- سخانات الغاز:
في المحلي المصانع الحربية وزانوسي ثم اوليبمك مُتصدرين، ثم أريستون ثم فريش.
في المُستورد ڤالينت متصدر ثم چونكر وفاجور، ولكن النصيحة هنا بتكون إن المستورد مشكلته بعد إنتهاء الضمان بتكمُن في عدم توافر قطع الغيار.
- سخانات الكهرباء العادية:
في المحلي اولميبك مُتصدر ثم اريستون، يليهم زانوسي وتورنيدو لكن ضمان العربي فيه شكاوى متعددة منه وتعدت الحد المقبول، وفي المُستورد ڤالينت.
- سخانات الكهرباء الفورية:
شتيبل الألماني، بومان، سيمنز، سيم التركي وبالترتيب السابق كده.. ولو فيه محلي لا أنصح تماماً بشراءه..
وفي الفوري بقى فيه ملحوظات مهمة جداً لإني بفضله عن العادي ولكن هدمج في النصيحة ما بين تأييدي له وما بين الشكاوى وإبتعاد الناس عنه، السخان الفوري بيحتاج توصيلات كهربائية خاصة في التشطيب من البداية من سلك ٦ مللي ع الأقل سويدي مُعتمد بدون لحامات في الخط تماماً لإن مفيش لحام بيتحمل كمية الكهرباء اللي بتكون متحملة على الخط في لحظات التشغيل وبينتج عنها مشاكل وقفلات وشكاوى، مفتاح في اللوحة شنايدر مُعتمد أمبيره محسوب بدقة على حسب قوة السخان، مفتاح أسفل السخان مُعتمد مُستورد أمبيره محسوب على حسب قوة السخان، موديل سخان جيد، + ضغط مياه قوي وده المهم، فكرة السخان الفوري في بداية التشغيل هي نفس الغاز، الرداخ.. والرداخ مش هيدي أمر بالتشغيل وضغط المياه ضعيف، وهيفصل لو ضغط المياه قل في عز ما إنت تحت الشاور، فـ لو معندكش عِلم بتوصيلات شقتك من البداية وثقة في الكهربائي وضميره وخبرة بسيطة في المفاتيح والأسلاك وإستلامها وضغط المياه عندك ضعيف وغير ثابت متشتريش فوري، لإن اللي بيشتريه يا بيكون مبسوط منه جداً وهو فعلاً موفر معايا أضعاف السخان العادي ومريحني جداً، يا هتكون من الفئة الأخرى اللي بتنصح الجميع بعدم شراءه وإنه بينفجر وبيولع وبيعمل حرائق وده طبيعي طبعاً لإن مينفعش ١٠.٠٠٠ وات مُستمرين في السريان يكونوا على توصيلات سيئة غير مُعتمدة ومفاتيح مضروبة أو درجة ٢ أو ضغط مياه يخلي الهيتر يفضل يفصل ويشتغل بشكل غير طبيعي.
ملحوظات مُهمة:
١- قد يختلف ما سبق من نصائح وترشيحات وآراء/تجارب شخصية ليا أو للغير في الشراء وخدمة ما بعد البيع عن تجربتك، لإن فيه مبدأين من وجهة نظري هما اللي بيخلوا النصائح في الأجهزة والتجارب فيها ملهاش مقياس مُحدد أو ليس عليه جدل أو خلاف والأول هو تم ذكره وهو شُحنات الأجهزة المختلفة، فممكن شحنة بالكامل يكون فيها مشكلة وتم طرحها في السوق ويختلف تعامل الوكيل هنا تارة بالسحب أو حل المشكلة وتارة بالتجاهل، ثم تأتي التجارب المُختلفة في تصنيف خدمة ما بعد البيع، أغلب الماركات لديها قسمين للصيانة، قسم داخلي وقسم خارجي، وال ٢ لهم مقياسين مُختلفين برضوا، بمعنى إن حضرتك لما بتتصل بإل چي مثلاً وتقولهم عندي مشكلة، الكول سنتر بيسجل شكوتك وبيديك رقم.. السيستم تلقائي بيحول الرقم ده لحاجة من ٢، للقسم الداخلي أو الخارجي، الداخلي بيكون فني مباشرة من الشركة وتصنيفه للمشكلة وحلها جزء منه نابع من توجه مديره والقسم المُختص في الموافقة على إيه ورفض إيه وجزء على حسب مزاج الفني نفسه وكتابته للتقرير، والخارجي (شركات الصيانة من الباطن) بتكون على حسب ضمير الشركة اللي جيالك ودرجتها عند الوكيل في صرف مستحقاتها وجودة فنييها، ممكن تجيلك شركة عندها ضمير وعلاقتهم بالوكيل طيبة وقطع الغيار مُتوفرة فتجربتك هتكون ممُتازة وهتيجي ترشح الجهاز الخاص بيهم وهتشكر في خدمة ما بعد البيع، وممكن تجيلك شركة بفني همه ينصب عليك ومعندوش ضمير ومديره كذلك فهيهول ليك المشكلة أو يبدأ يوجهك إنه ممكن يحلها بره بره أن عن طريقه أو يكتب تقرير مش في صالحك علشان ياخد منك بس فلوس المُعاينة ويمشي وبعدين خناقتك هتبقى مع الوكيل مش معاه ورسوم المعاينة دي سبوبة للأسف في كل الشركات هي اللي فتحت الباب لضياع الحقوق يليه إنتشار الجهاز نفسه وعدم مقدرة الوكيل على تغطية كافة الجمهورية في طلبات الصيانة والتشغيل.
٢- الأجهزة موديلات، مينفعش الترشيح يكون بإسم ماركة فقط مع إن فيه ماركات موديلاتها الغالب فيها ممتاز، بس لازم لما نرشح أو نسأل أو حتى نشتكي نذكر الموديل لإن فيه موديلات فيها مشاكل وفيه موديلات ممتازة داخل الماركة الواحدة.
٣- في موديلات أكيد نسيت ذكرها وده راجع لعدم ترشيحها بكثرة، ولكن فيه موديلين قصدت مذكرهمش حفاظاً على مالك اللي بتتعب علشان تكسبه، وهما يونيون إير ويونيڤريسال أصحاب أسوء مكونات داخلية وخدمة ما بعد البيع، أعلى معدلات حرائق من سخانات يونيڤرسال وأكثر معدل أعطال وشكاوى من موديلات يونيون إير في الجروب على مدار سنوات، وتجربتك الجيدة مع أجهزتهم إن وجدت يرجع لشقين، الشق الأول هو إن دي حالة خاصة وبسبب دعوات الأهل لك، والشق الآخر هو موديلاتهم القديمة ما قبل التعويم كانت أفضل جودة نسبياً من حالياً فتلاقي الناس بتشرحهم لكن على إستحياء أو تعليق وسط ١٠٠، وللأسف ما زالوا قائمين في السوق المصري بكل مساوئهم بسبب رخص أسعارهم وعروضهم ولكن لا تلقي بنفسك ومالك إلى التهلُكة.
٤- ترشيح الناس للأجهزة بيكون بناءاً على تجاربهم الشخصية ومستوى رضائهم عن خدمة ما بعد البيع، فالحُكم هنا بالكم وليس الكيف فقط لغياب مستوى القياس كما إتفقنا، والمقصود هو إنك ممكن تشتري أفضل وأغلى ماركة ويحصلك مشكلة ومتتحلش، وممكن تشتري المتوسط أو الأقل والأمور تمشي بسلام.
احنا بنحاول نعرض لكم كل الاراء المختلفه حتي يستفيد الجميع ويكون لديه عدة اختيارات عند شراء الاجهزه
بعتذر عن الإطالة وأتمنى أكون أفدتكم.
- التكييفات بالترتيب في الجودة والترشيحات:
١- جري
٢- كاريير
ويليهم إل چي وشارب وباقي الماركات لتدني خدمة ما بعد البيع في شارب وزيادة المُنتج المحلي بعد التقفيل المصري والإنتشار الشديد، جري صيني تقفيل مصري ولكن يتميز بخدمة ما بعد البيع الجيدة، كاريير قوة تبريدة لا زالت الأفضل والأقوى وما زال محافظ على جزء كبير من مبيعات السوق ولكن تقل خدمة ما بعد البيع في جودتها بسبب الإنتشار وإسنادها لشركات من الباطن مما يلغي مقياس خدمة ما بعد البيع فنجد جزء راضي تماماً وجزء ناقم تماماً وذلك لتغير المُعطيات في عمليات الصيانة ومتابعة الشكاوى ونفس الكلام ينطبق على شارب، بنوا إسمهم على جودة الموديلات اليابانية بالكامل وجودة الصيانة، وحالياً مستواهم في تدني عن زمان للأسف.
- شاشات التليفزيون:
يتصدر المبيعات والترشيحات ماركتي LG و Samsung، وخدمة ما بعد البيع في الشركتين في مستوى واحد وهو مُستوى سيء، ولكن تنقسم الترشيحات كلاً حسب رؤيته، اللي بيرشح إل چي بيفضل الصورة الواقعية واللي بيرشح سامسونج بيفضل سطوع ألوانها وإضائتها، ولكن مع مبيعات سامسونج الأعلى ما زالت LG تتصدر الترشيحات..
يليهم باقي الماركات الصينية كچاك وغيرها ولكنها ليست بنفس الجودة، ومع ذلك رأيي الشخصي في النقطة دي تحديداً هو إن الشاشات حظوظ للأسف، في ناس بتشتري أفضل وأغلى موديل ويحصله مشكلة ويفضل في سجال مع الوكيل، وفيه ناس بتشتري الماركات الصينية أو حتى الكورية والشاشة تفضل ممتازة لسنوات، مش معنى كده إن كل الماركات بنفس الجودة وخدمة ما بعد البيع واحدة، لا معناه إن لا يوجد لدينا جهات لمراقبة الجودة ورقابة الواردات والتصنيع لها معيار ثابت أو غير فاسد، فتجد شحنات ممتازة وشحنات معيبة ويختلطوا ببعض فلا تجد مقياس للسوق وما سبق ينطبق على كل الأجهزة..
- المايكرويڤ:
بيتصدر الترشحيات دائماً LG سواءاً بشواية أو بدون لكن متشتريش بشواية لو مش هتستخدمها، يليه سامسونج ثم كينوود وشارب، ويليهم في السعر والترشيح چاك وزانوسي وفريش وبلاك آند ديكر، مفيش شكاوى بتيجي كثير بخصوص أعطاله لسهولة فكرة الميكرويڤ ومكوناته وطريقة عمله، ولكن طبعاً الماركات بتفرق بعض الشيء في الجودة والأوبشنز والعزل الكلي وخدمة ما بعد البيع حال العُطل والصيانة.
- غسالات الملابس:
إل چي بتتصدر كالعادة.. يليها سامسونج ثم اريستون، مع إني لما قررت أشتري إشتريت إل چي بالمجفف تصنيع كوري ولكن النصيحة بتيجي إن الأفضل تشتري المجفف منفصل لو معتمد عليه وعندك له مكان، + إن أغلب ترشيحات إل چي نابعة من منتجات إل چي قبل ما تبقى تقفيل مصري، أيام ما كانت كوري وتيلاندي وإندونيسي بس بعد التقفيل المصري لاحظنا شكاوى مُتكررة.. + في حالة بعض الأعطال بيكون في نقص في توافر قطع الغيار لدى الوكيل أو يقولك خط الإنتاج توقف! بالتالي لو لقيت إل چي مستوردة هتكون الأفضل، وهنيجي هنا لتميز اريستون إنها ما زالت مُستوردة ولكن خدمة ما بعد البيع ليست جيدة تماماً أو ليس لها مقياس..
يلي ما سبق زانوسي ووايت بوينت وفريش.
- الثلاجات:
إل چي مُتصدرة ثم شارب ثم سامسونج ولكن لا تسأل عن خدمة ما بيع في سامسونج بخصوص الثلاجات خاصة، وفي العربي (شارب) الخدمة ملهاش مقياس، وفي إل چي التصدر ده قائم بسبب الموديلات الكورية والمستوردة ولو حالياً فيه تقفيل مصري يبقى لأ، وأقلهم التقفيل الصيني في الجودة والعمر الإفتراضي وخدمة ما بعد البيع أفضل من العربي ولكن برضوا ملهاش مقياس للأسف.
- غسالات الأطباق:
إل چي بتتصدر الترشيحات برضوا وبينافسها اريستون، بس عيب اريستون القاتل خدمة ما بعد البيع.. تلاقي الترشيح بيقولك اريستون ولكن لو باظت متسألش عن خدمة ما بعد بيع للأسف، ولكن إل چي فيه رضى عنها وعن خدمة ما بعد البيع اللي بتكون يا جيدة جداً يا في مُنتهى السوء وهنا بنرجع لنفس منطق إسناد الصيانة لشركات من الباطن، يلي ما سبق زانوسي وبيكو والترشيحات إلى الآن بتشيد بجودة خدمة ما بعد البيع في زانوسي وتوافر قطع الغيار.
- البوتجازات:
بينقسم الترشيح هنا حسب الميزانية والتصنيع ومُستورد بالكامل ولا تقفيل محلي؟
في التقفيل المحلي زانوسي وفريش مُتصدرين، في زانوسي موديل الآمان الكامل ذا الحوامل الزهر، وفي فريش الفريش البروفيشنال.. يليهم كريازي القديم.
في المستورد جليم جاز وزانوسي المُستورد مُتصدرين ورويال وألبا ثم لاچرمنيا، وقبل ما تشتري المستورد بالكامل إسأل عن توافر قطع الغيار ولكن في الغالب خاصة الإيطالي فتقريباً مش هتحتاج صيانة لجودة التصنيع والتقفيل.
- سخانات الغاز:
في المحلي المصانع الحربية وزانوسي ثم اوليبمك مُتصدرين، ثم أريستون ثم فريش.
في المُستورد ڤالينت متصدر ثم چونكر وفاجور، ولكن النصيحة هنا بتكون إن المستورد مشكلته بعد إنتهاء الضمان بتكمُن في عدم توافر قطع الغيار.
- سخانات الكهرباء العادية:
في المحلي اولميبك مُتصدر ثم اريستون، يليهم زانوسي وتورنيدو لكن ضمان العربي فيه شكاوى متعددة منه وتعدت الحد المقبول، وفي المُستورد ڤالينت.
- سخانات الكهرباء الفورية:
شتيبل الألماني، بومان، سيمنز، سيم التركي وبالترتيب السابق كده.. ولو فيه محلي لا أنصح تماماً بشراءه..
وفي الفوري بقى فيه ملحوظات مهمة جداً لإني بفضله عن العادي ولكن هدمج في النصيحة ما بين تأييدي له وما بين الشكاوى وإبتعاد الناس عنه، السخان الفوري بيحتاج توصيلات كهربائية خاصة في التشطيب من البداية من سلك ٦ مللي ع الأقل سويدي مُعتمد بدون لحامات في الخط تماماً لإن مفيش لحام بيتحمل كمية الكهرباء اللي بتكون متحملة على الخط في لحظات التشغيل وبينتج عنها مشاكل وقفلات وشكاوى، مفتاح في اللوحة شنايدر مُعتمد أمبيره محسوب بدقة على حسب قوة السخان، مفتاح أسفل السخان مُعتمد مُستورد أمبيره محسوب على حسب قوة السخان، موديل سخان جيد، + ضغط مياه قوي وده المهم، فكرة السخان الفوري في بداية التشغيل هي نفس الغاز، الرداخ.. والرداخ مش هيدي أمر بالتشغيل وضغط المياه ضعيف، وهيفصل لو ضغط المياه قل في عز ما إنت تحت الشاور، فـ لو معندكش عِلم بتوصيلات شقتك من البداية وثقة في الكهربائي وضميره وخبرة بسيطة في المفاتيح والأسلاك وإستلامها وضغط المياه عندك ضعيف وغير ثابت متشتريش فوري، لإن اللي بيشتريه يا بيكون مبسوط منه جداً وهو فعلاً موفر معايا أضعاف السخان العادي ومريحني جداً، يا هتكون من الفئة الأخرى اللي بتنصح الجميع بعدم شراءه وإنه بينفجر وبيولع وبيعمل حرائق وده طبيعي طبعاً لإن مينفعش ١٠.٠٠٠ وات مُستمرين في السريان يكونوا على توصيلات سيئة غير مُعتمدة ومفاتيح مضروبة أو درجة ٢ أو ضغط مياه يخلي الهيتر يفضل يفصل ويشتغل بشكل غير طبيعي.
ملحوظات مُهمة:
١- قد يختلف ما سبق من نصائح وترشيحات وآراء/تجارب شخصية ليا أو للغير في الشراء وخدمة ما بعد البيع عن تجربتك، لإن فيه مبدأين من وجهة نظري هما اللي بيخلوا النصائح في الأجهزة والتجارب فيها ملهاش مقياس مُحدد أو ليس عليه جدل أو خلاف والأول هو تم ذكره وهو شُحنات الأجهزة المختلفة، فممكن شحنة بالكامل يكون فيها مشكلة وتم طرحها في السوق ويختلف تعامل الوكيل هنا تارة بالسحب أو حل المشكلة وتارة بالتجاهل، ثم تأتي التجارب المُختلفة في تصنيف خدمة ما بعد البيع، أغلب الماركات لديها قسمين للصيانة، قسم داخلي وقسم خارجي، وال ٢ لهم مقياسين مُختلفين برضوا، بمعنى إن حضرتك لما بتتصل بإل چي مثلاً وتقولهم عندي مشكلة، الكول سنتر بيسجل شكوتك وبيديك رقم.. السيستم تلقائي بيحول الرقم ده لحاجة من ٢، للقسم الداخلي أو الخارجي، الداخلي بيكون فني مباشرة من الشركة وتصنيفه للمشكلة وحلها جزء منه نابع من توجه مديره والقسم المُختص في الموافقة على إيه ورفض إيه وجزء على حسب مزاج الفني نفسه وكتابته للتقرير، والخارجي (شركات الصيانة من الباطن) بتكون على حسب ضمير الشركة اللي جيالك ودرجتها عند الوكيل في صرف مستحقاتها وجودة فنييها، ممكن تجيلك شركة عندها ضمير وعلاقتهم بالوكيل طيبة وقطع الغيار مُتوفرة فتجربتك هتكون ممُتازة وهتيجي ترشح الجهاز الخاص بيهم وهتشكر في خدمة ما بعد البيع، وممكن تجيلك شركة بفني همه ينصب عليك ومعندوش ضمير ومديره كذلك فهيهول ليك المشكلة أو يبدأ يوجهك إنه ممكن يحلها بره بره أن عن طريقه أو يكتب تقرير مش في صالحك علشان ياخد منك بس فلوس المُعاينة ويمشي وبعدين خناقتك هتبقى مع الوكيل مش معاه ورسوم المعاينة دي سبوبة للأسف في كل الشركات هي اللي فتحت الباب لضياع الحقوق يليه إنتشار الجهاز نفسه وعدم مقدرة الوكيل على تغطية كافة الجمهورية في طلبات الصيانة والتشغيل.
٢- الأجهزة موديلات، مينفعش الترشيح يكون بإسم ماركة فقط مع إن فيه ماركات موديلاتها الغالب فيها ممتاز، بس لازم لما نرشح أو نسأل أو حتى نشتكي نذكر الموديل لإن فيه موديلات فيها مشاكل وفيه موديلات ممتازة داخل الماركة الواحدة.
٣- في موديلات أكيد نسيت ذكرها وده راجع لعدم ترشيحها بكثرة، ولكن فيه موديلين قصدت مذكرهمش حفاظاً على مالك اللي بتتعب علشان تكسبه، وهما يونيون إير ويونيڤريسال أصحاب أسوء مكونات داخلية وخدمة ما بعد البيع، أعلى معدلات حرائق من سخانات يونيڤرسال وأكثر معدل أعطال وشكاوى من موديلات يونيون إير في الجروب على مدار سنوات، وتجربتك الجيدة مع أجهزتهم إن وجدت يرجع لشقين، الشق الأول هو إن دي حالة خاصة وبسبب دعوات الأهل لك، والشق الآخر هو موديلاتهم القديمة ما قبل التعويم كانت أفضل جودة نسبياً من حالياً فتلاقي الناس بتشرحهم لكن على إستحياء أو تعليق وسط ١٠٠، وللأسف ما زالوا قائمين في السوق المصري بكل مساوئهم بسبب رخص أسعارهم وعروضهم ولكن لا تلقي بنفسك ومالك إلى التهلُكة.
٤- ترشيح الناس للأجهزة بيكون بناءاً على تجاربهم الشخصية ومستوى رضائهم عن خدمة ما بعد البيع، فالحُكم هنا بالكم وليس الكيف فقط لغياب مستوى القياس كما إتفقنا، والمقصود هو إنك ممكن تشتري أفضل وأغلى ماركة ويحصلك مشكلة ومتتحلش، وممكن تشتري المتوسط أو الأقل والأمور تمشي بسلام.
احنا بنحاول نعرض لكم كل الاراء المختلفه حتي يستفيد الجميع ويكون لديه عدة اختيارات عند شراء الاجهزه
بعتذر عن الإطالة وأتمنى أكون أفدتكم.